كلمة اليوم
حبيبي
كلمة بتقولها
كلمة حبيبي لو من قلبك ليها
معنى يتحس و في الاصل تتحاسب عليها
عملت ايه علشان لسانك ينطق بيها
احترمت وعودك ليها
صنتها و حافظت عليها
كلمة حبيبي
لو هتقولها في السر
مش هيكون وراها غير كل شر
كلمة حبيبي عاوز تقولها تقولها قصاد ابوها متخافش انت حر
كلمة حبيبي
طلبت منها تصلي الفجر
صحّيتها و هزقتها يوم ما نامت و قالت تعبت و الجو برد او حتى حر
يوم ما تعبت من شغل البيت
جريت و شلت عنها و اشتغلت بأيديك
و في الخطوبه على النوادي اخدتها و عصيت
و لا سهرت تتكلم في الموبايل و على تليفون البيت
و تقولها حبيبي ؟؟؟
شلتها جوه عنيك و من الفتن و المعاصي حميت ؟
حسستها انها الدنيا في عنيك
احترمت رأيها و شاركتها و وثقت في عقلها
كنت الاب و الاخ و الزوج و حميت
يوم ما تعبت شلتها على الطبيب و جريت
يوم ما خفت كان الورد في كل حته في البيت
كلامك ليها كان حنين و لا قاسي بس المهم يكون من قلبك حسستها و حسيت
كلمة حبيبي
اياك تقولها لو مش هتقدر تفتح بيت
مش هتسمح غيرك يقولها لأختك و لا انت نسيت
كلمة حبيبي
لو بأيدي مكنتش قلت عليها كلمة
اصلها اعلى و اطهر و ارق من انها تكون كلمة
كلمة حبيبي
ده معنى لو اتوجد بينك و بين حبيبك يبقا اتبنى بأيدك سعادتك جوه البيت
كلمة حبيبي
دوا لمرض القلوب
كلمة حبيبي
اسرة حب في الله
اسرة قصة حب من واقع الحياه
