صرح مصدر مسئول قائلا ً :
" من أولها كده ياحلوين وعشان نبقى ع نور مع بعضينا لو حد منكم عايز يسافر بلد تانيه غير مصرنا المحروسه مااااااشى يسافر وبراحته خاالص ده حتى يعنى اريح ويخف شويه من الزياده السكانيه ومن البطاله
بس هتسافر ياحلوووو يبقى تتحمل مسئوليه نفسك
احنا مالناش دعوه باللى هيحصلك واديك شوفت مروه الشربينى اهى اتقتلت واطعنت اكتر من طعنه وهى حامل وقدام جوزها وفى المحكمه احنا عمنالها حاجه ؟
وكمان العمال المصريين اللى بتتهان كرامتهم فى الخارج احنا اتدخلنا ؟
اااه ممكن نبعتلك سفيرنا هناك يتكلم معاهم كلمتين كده ويقولهم عيب مايصحش بس اووووعى تتصور اننا ممكن ناخدلك حقك
اديك شايف بعنيك المصرى اللى اتمثلت بجثته احنا قدرنا نعمله حاجه ؟
بس فيه حاله واحده بسسسسسسس اللى هنزعل ونغضب وناخد على خاطرنا .. لو اتضربت فى ماتش كوووره فى الحاله دى ماتخافش
صدقنى مش هنسكت أبدااااااااا هنتكلم شويه كلام كده من التقيل ده اللى هو كرامة المصرين من كرامة مصر ماهو انت برضه كنت رايح تحارب _ أقصد تلعب _ فى ماتش كوره فلازم نساندك بكل جوارحنا
بس بينى وبينك برضه مش هنعملك حاجه اكتر من الكلاااااام
أصل احنا لا نملك سوىىىى الكلام يعنى هو الكلام بفلوس اهو كلاااااام
يعى من الأخر كده ياقطاقيط ياحلوين عايزين تسافروا وتسيبوا بلدكم سافرووووووووا بس محدش يقولنا فين كرامه المصريييين
واللى أوله شرط أخره أييييييييييه ؟ "
