كان ياما كان فى قديم الزمان وفى سالف العصر والوان من 21 سنه
كان فيه أخ وأخت قعدين مستنين مولود جديد يملى عليهم البيت
اتخانقوا كتيييييييييييير البنت عايزه بنت من جنسها تلعب معاها
والولد عايز ولد زيه يبقى واقف اسد فى ضهره لما يجى يتخانق مع اصحابه
جات جدتهم قالتلهم بسسسسسس اللى هيسكت هو اللى هيجيله اللى عايزه
فاالاتنين سكتم بكتممم
والاخ يقول يارب ولد والبنت تقول يارب بنت
لغاية ماجيه الخبرررررر وجات بنت ( شكل اخوها كان مش مبطل كلام زى كل الولاد المزعجين ههههههه )
والبنت طارت من الفرح عشان بقى ليها اخت زيها
ولفت الأيام ودارت الأياااااام والبنت الصغيره مبقتش صغيره
وبقى عندها 21 سنه
وعشان هى أخر العنقود كانت عند كل اللى فى البيت السكر المعقووود واللى دايما مهما كبررررت شايفينها صغننه
حتى هى كمان بقت تقول معقوله دودو الصغيره بقت كبيره وعندها 21 سنه .. ياااااه اما دنيا عجيبه ومدوره
طول ال 21 سنه قابلت ناس كتييييييير فى منهم اللى مش فاكراهم وفيه منهم اللى لا يمكن تنساهم
ناس جات وخرجت ولا حست بوجودهم وناس تانيه سابت علامه فى حياتها
بس هى مش زعلانه زى ماكل البنات اللى بتحس انها بتكبر بتزعل
لانها شايفه ان العمر مش بالسن
العمر باللى عملته واللى هتعمله يعنى ممكن ياشاطرين واحد يعمل فى سنه واحده اللى واحد تانى معملوش فى عمركاااااااامل
وعشان كده هى ماشيه فى طريقها وصلت لعشرين او تلاتين او حتى خمسين مش مهممممم
المهم انها تسيب بصمه فى دنيتها و وتبقى خيييييييير لكل اللى يعرفها وكل اللى تعرفهم او حتى اللى ماتعرفهمش
دى امنيتها فى الدنياااااا ويااااااارب تتحقق
وتوته توته لسه مخلصتش الحدوووووته هتخلص لما تحقق امنيتها
:::::::::::::::::::::::::::::::::::
ملحوظه : اىىىىى حد يدخل يعلق يسيب هديته
ايوا وهديه تكون غاليه مش اىىىى كلام _ اصل انا الماديات مش بتفرق معاي
